ՌԴ–ում գնահատել են Ադրբեջանի և Հայաստանի միջև խաղաղության պայմանագրի ստորագրման ժամկետները
Արտաքին Քաղաքական
Ադրբեջանն ու Հայաստանն իրենք կորոշեն խաղաղության պայմանագրի ստորագրման վայրն ու ժամանակը։ Այս մասին «ՌԻԱ Նովոստի»-ին տված հարցազրույցում ասել է Ռուսաստանի փոխարտգործնախարար Միխայիլ Գալուզինը։
Դիվանագետն ընդգծել է, որ մյուս երկրներն իրավունք չունեն որոշել Բաքվի և Երևանի փոխարեն, թե երբ դա տեղի կունենա։
Միաժամանակ Գալուզինը հիշեցրել է, որ Ռուսաստանը չի կարող անտարբեր նայել Հարավային Կովկասում տեղի ունեցողին, պատմականորեն տարածաշրջանը կապված է ռուսական պետության հետ։ Նա նաև կարծիք է հայտնել, որ Ռուսաստանի Դաշնությունը Հարավային Կովկասում և աշխարհում միակ երկիրն է, որը դաշնակցային հարաբերություններ է պահպանում ինչպես Ադրբեջանի, այնպես էլ Հայաստանի հետ։
Գալուզինը ընդգծել է, որ Հարավային Կովկասի տարածաշրջանի ճակատագիրը պետք է որոշեն նրանք, ում համար այն ընդհանուր տուն է, ուրիշ ոչ ոք չի կարող Անդրկովկասում կայուն խաղաղության և կայունության ճանապարհ բացել։
Ամենադիտված 
ՀՀ ՊՆ–ն հայտարարություն է տարածել
