Հայաստանի ոստիկանների մոտ 40%-ը չի անցել «IQ թեստը»
Հասարակություն
Հայաստանի ոստիկանների մոտ 40%-ը ձախողել է թեստավորման ընդհանուր բաժնի փուլը, Sputnik Армения–ի խնդրանքին ի պատասխան հայտնել են ՆԳՆ մամուլի ծառայությունից։
2023 թվականի դեկտեմբերի վերջի դրությամբ ատեստավորմանը մասնակցել է 1123 ոստիկան, որից 190-ը անցել է բոլոր փուլերը, ևս 3 ծառայողի ատեստավորում ընթացքի մեջ էր։
Ատեստավորումը 4 փուլ է ներառում.
- Ընդհանուր գիտելիքների էլեկտրոնային թեստավորում (ոստիկանությունն ինքը դա անվանում է «IQ թեստ» - խմբ.),
- Երկու փուլից բաղկացած թեստ (ֆիզիկական և կրակային պատրաստության թեստ),
- Մասնագիտական կարողությունների ստուգում (էլեկտրոնային),
- Հարցազրույց՝ ոստիկանության պաշտոնների հիմնական և ավագ խմբերի համար:
Ինչպես հայտնում են ՆԳՆ-ից, ընդհանուր գիտելիքների ստուգման փուլը չի կարողացել հաղթահարել 454 մասնակից, 192-ը՝ ֆիզկուլտուրա, 279-ը՝ կրակային պատրաստություն, 8 հոգի՝ մասնագիտական կարողությունների ստուգում։
Նշենք, որ «IQ թեստը» բաղկացած է երկու ենթաբաժնից՝ ընդհանուր զարգացում և մասնագիտական հմտություններ:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
