Եթե Փաշինյանը ինքնակամ հեռանա, երաշխավորում ենք նրա ու ընտանիքի անվտանգությունը․ Հրանտ Բագրատյան

Փետրվարի 20-ին Ազատության հրապարակում սպասվող հանրահավաքի առնչությամբ հրավիրված ասուլիսի ընթացքում ՀՀ նախկին վարչապետ Հրանտ Բագրատյանն իր խոսքում վստահեցրեց՝ եթե Նիկոլ Փաշինյանը ինքնակամ հեռանա, իրենք երաշխավորում են նրա և նրա ընտանիքի անդամների անվտանգությունը․

«Հեռացիր, տեսնենք՝ ինչ ենք կարողանում անել․ մենք տեսնում ենք՝ փրկության հնարավորություն կա»,- պնդեց նախկին վարչապետը։

Նիկոլ Փաշինյանի վարած քաղաքականության մասին թեման շարունակելով՝ Բագրատյանը նման կարծիք հայտնեց․

«Էդ ի՞նչ խաղաղությանա ինքը գնում, ովա՞ իրա նման թույլիկի հետ խաղաղության գնալու, նրա հեռացումը անմիջապես իրավիճակ կփոխի։ Երեկ Ռուսաստանը պարզ հայտարարեց՝ «ՀԱՊԿ-ից ինչի՞ եք դուրս եկել, ՀԱՊԿ-ը ձեզ պաշտպանելուա, ոչ մի խնդիր չկա»։ Ակնհայտ է, որ Փաշինյանն ապավինելու է Արևմուտքին, բայց Արևմուտքը բացահայտ  ասում է՝ «ինձ չապավինես, ոչինչ էլ անող չեմ»։ Սրա տակից ոչ ոք չի կարող դուրս գալ, նման անհեթեթություն, որ անում են․․․ Պարտավոր ենք զգուշացնել հանրությանը, որ ինչ ասումա՝ սուտա ասում, սա պետք է հայ ժողովուրդը կանգնեցնի»,- եզրափակեց Բագրատյանը։