Հների կերպարները սպառվել են, սկսել է յուրայինների հետ նման կերպ վարվել․ Սամվել Նիկոյան

Այսօր ՀՀ նախկին նախագահ Սերժ Սարգսյանի դատական նիստից առաջ ՀՀԿ ԳՄ անդամ Սամվել Նիկոյանը լրագրողների՝ Էկոնոմիկայի նախկին նախարար Վահան Քերոբյանին մեղադրանք առաջադրելու վերաբերյալ հարցերին պատասխանելով՝ ասաց․ 

«Նիկոլի մոտ միշտ անհրաժեշտություն կա հասարակության մի մասին անընդհատ ինչ-որ իրադարձություններով կերակրել, չկան այլևս հների կերպարները, կարծես թե սպառվել են, դրա համար սկսել է յուրայինների հետ նման կերպ վարվել»։

Նիկոյանի համոզմամբ՝ Փաշինյանը խնդիր ունի մտածող բնակչության հետ, որովհետև գիտի՝ մտածող քաղաքացին վտանգավոր է իր համար։

Ըստ նրա՝ ներքին կշտամբանքը, անցյալի հիշեցումները ոչ մի տեղ չեն տանելու․

«Եթե մարդն այսօր սկսել է հասկանալ, որ աղետի մեջ ենք, չպետք է նայել՝ ինչպիսի՞ վերաբերմունք է ունեցել նա 2018 թվականին․ հիմա փրկությունը միասնությունն է»,- իր խոսքը եզրափակել է նա։