Դանիացին 68 լուցկու հատիկ է մտցրել քթանցքների մեջ և համաշխարհային ռեկորդ սահմանել

Դանիացի տղամարդը 68 լուցկու հատիկ է մտցրել քթանցքների մեջ և հայտնվել Գինեսի ռեկորդների գրքում, գրում է UPI-ն։

Ռեկորդի հեղինակը Փիթեր ֆոն Տանգեն Բուսկովն է, նա 39 տարեկան է։ Տղամարդը 23  լուցկու հատիկով գերազանցել է նախորդ ռեկորդը, որը սահմանել էր մեկ այլ մարդ։

«Զարմանալիորեն դա ոչ մի վնաս չի պատճառել։ Ես ունեմ բավականին մեծ քթանցքներ և առաձգական մաշկ: Վստահ եմ, որ դա ինձ օգնեց»,- մեկնաբանել է դանիացին:

Տղամարդը չի կարծում, որ այժմ կկարողանա բարելավել իր արդյունքը, սակայն չի բացառում դա ապագայում։

«Միգուցե քիթս կաճի, երբ մեծանամ»,- կատակել է նա։