Քիմ Քարդաշյանը ցանկանում է նորից ամուսնանալ

Քիմ Քարդաշյանը մտածում է չորրորդ ամուսնության մասին, սակայն ասում է, որ իր ապագա զուգընկերը պետք է իսկապես «յուրահատուկ» և «եզակի» լինի՝ իր հագեցած ապրելակերպին համապատասխանելու համար:

43-ամյա գործարարը վերջերս տված հարցազրույցում քննարկել է հարաբերություններն ու ամուսնությունը՝ ընդգծելով, որ իր համար կարևոր է, որ զուգընկերը հասկանա և գնահատի իր առանձնահատուկ ապրելակերպը, հայտնում է boda պորտալը։

Քիմը, ով ներկայումս հարաբերությունների մեջ է ֆուտբոլիստ Օդել Բեքհեմ կրտսերի հետ, պատրաստակամություն է հայտնել նորից ամուսնանալ, եթե կա մեկը, ով կարող է ապրել իր «հիանալի կյանքով»։ Նա խոստովանել է, որ չնայած երեխաներին, կարիերային և ընտանիքին, կցանկանար իր կյանքը կիսել մեկի հետ, ով համապատասխանում է իր բարձր չափանիշներին։

Ամուսնացած լինելով երեք անգամ, այդ թվում՝ ռեփեր Քանյե Ուեսթի հետ, ումից ունի չորս երեխա, Քիմը դեռ հավատում է սիրուն և բաց է նոր հարաբերությունների համար։

Իր հարցազրույցում նա նշել է, որ իր իդեալական զուգընկերը պետք է լինի պատասխանատու, ազնիվ, նպատակասլաց, ունենա առողջ ժպիտ և կարողանա տեր կանգնել իր սկզբունքներին։