Մարդն ինքն իրեն արձակուրդ է ձևակերպում, ասում է՝ ինձ անօրինական աշխատանքից ազատել են․ ի՞նչ է կատարվում Կարմիր խաչում

Հայկական կարմիր խաչի ընկերությունում ստեղծված իրադրության առնչությամբ այսօր հրավիրված ասուլիսի ընթացքում ընկերության, նախագահության, գլխավոր քարտուղարի ներկայացուցիչ, փաստաբան Լևոն Բաղդասարյանը մանրամասներ ներկայացրեց։

Մասնավորապես նրա փոխանցմամբ՝ մի շարք անձինք ներկայանում են Կարմիր խաչի անվան տակ իբր արտահերթ համագումարում ընտրված նոր նախագահության անդամներ և նոր նախագահ․

«Աննա Եղիազարյանին նախագահությունը հեռացրել է աշխատանքից, ապա՝ Աննա Եղիազարյանը փորձել է կատարել ոչ իրավաչափ արտահերթ համագումար, և այդ ամենից հետո գալիս է գրասենյակ և ասում է, որ նա ընտրված նախագահ է։ Սա իրավական հարթության վրա, մեղմ ասած, իրավաչափ չէ, քանի որ գոյություն ունի ընկերություն, ընկերության նախագահություն և ընկերության գործադիր քարտուղար։

Աննա Եղիազարյանը հայտարարում է՝ «ես արձակուրդում եմ եղել, ինձ աշխատանքից հեռացրել են»։ Մարդն ինքն իրեն արձակուրդա ձևակերպում, ասում է՝ ինձ անօրինական աշխատանքից ազատել են։ Եթե գտնում է, որ իրեն ճիշտ չեն հեռացրել, դրա ընթացակարգը կա, թող դիմի դատական պաշտպանության»,- մանրամասնել է փաստաբանը։