Իտալուհին 17 հղիություն է կեղծել՝ աշխատանքի չգնալու և նպաստ ստանալու համար

Իտալիայի բնակչուհին 17 անգամ կեղծել է հղիությունը՝ նպաստների և արձակուրդի համար, գրում է La Repubblica-ն։

Ըստ տեղական լրատվամիջոցների՝ 50-ամյա Բարբարա Իոելան վերջին 24 տարվա ընթացքում 17 անգամ կեղծել է հղիությունը։ Կնոջ ներկայացրած փաստաթղթերի համաձայն՝ նա ունեցել է 17 հղիություն, որից 12-ն ավարտվել է վիժումներով։ Մյուս հինգը, ենթադրաբար, հանգեցրել են Բենեդետտա, Անժելիկա, Աբրամո, Լետիսիա և Իսմայիլ անուններով առողջ երեխաների ծնունդին, միայն թե ոչ մի գրառում չկա, որ նրանք երբևէ գրանցվել են և ոչ ոք երբևէ չի տեսել նրանց:

Իշխանություններն ասում են, որ ապացույցներ ունեն, որ Բարբարան երբեք հղի չի եղել: Ոստիկանության տվյալներով՝ այս կերպ իտալուհին խաբեությամբ ստացել է 110 հազար եվրոյի նպաստ և տարիներ շարունակ գտնվել է արձակուրդում։

Բացի այդ, Բարբարայի զուգընկերը ոստիկանությունում հարցաքննության ժամանակ խոստովանել է, որ իր ընկերուհին իսկապես բազմազավակ մայր չէ։ Ինքը՝ Իոելան, երբեք չի եկել սպաների մոտ, նա նրանց ներկայացրել է իր առողջական ծանր վիճակը հաստատող երկու տեղեկանք։ Սակայն հետաքննությունը շարունակվում է, և իտալուհուն խարդախության համար ազատազրկում է սպառնում։

Այս թեմայով Հռոմեական արձակուրդը կարող է մղձավանջ դառնալ առաջիկա մի քանի օրվա ընթացքում Իտալիա այցելողների համար Վարանը ժամանել է Իտալիա․ կբանակցի Ա սերիայի ակումբի հետ Քննարկվել են ՀՀ-Իտալիա ռազմական համագործակցության հարցեր 2024 թվականին մենք վերապրում ենք 1915 թվականի ողբերգությունը․ Իտալիայի փոխվարչապետ (տեսանյութ) ԵՄ–ի և Հայաստանի հարաբերություններն առանձնահատուկ դինամիկա են ապրում․ Իտալիայի ԱԳ փոխնախարար