ՀԱՊԿ–ն անվտանգային խնդիրներ է առաջացնում ՀՀ–ի համար․ Փաշինյան (տեսանյութ)

Հիմա մենք դե ֆակտո սառեցրել ենք ՀԱՊԿ–ի հետ շփումը, եթե այս պրոցեսը շարունակվի, դե յուրե էլ պիտի սառեցնենք, բա ինչ անենք։ Այս մասին ԱԺ-Կառավարություն հարցուպատասխանի ժամանակ ասել է ՀՀ վարչապետ Նիկոլ Փաշինյանը։

«Ես և ՀՀ կառավարությունը հստակ գիտենք Հայաստանի սահմանները։ ԵՄ–ն ևս ՀՀ սահմանները ճանաչել է, օրինակ 2023–ին Գրանադայի քառակողմ հայտարարությամբ։ ՌԴ–ն նույնպես եռակողմ հայտարարությամբ ընդունել է ՀՀ սահմանները։ Մենք ասել ենք` եկեք, ինչի տակ ստորագրել եք, հայտարարեք, որպես ՀԱՊԿ պատասխանատվության գոտի, բայց չի արվել։ Եվ այդ դիրքորոշումը սպառնալիք է ՀՀ անվտանգության համար»,–ասաց վարչապետը` պատասխանելով Գեղամ Մանուկյանի հարցին, թե Եվրոպայում ՀԱՊԿ–ից բողոքելու փոխարեն ավելի լավ չէ՞ քննարկել հարցերը ՀԱՊԿ–ի հետ։