Քանյե Ուեսթը կոչ է արել բոյկոտել Adidas-ը (տեսանյութ)

Ամերիկացի ռեփեր Քանյե Ուեսթը կոչ է արել իր երկրպագուներին բոյկոտել Adidas սպորտային ապրանքանիշը։ Երգիչը պնդում է, որ իբր ընկերությունըկեղծ Yeezy մարզակոշիկներ է արտադրում և դատի է տալիս իրեն 250 միլիոն դոլարի համար։ Այս մասին գրում է Billboard-ը։
 
«Ով սիրում է Ye-ին, չի գնի այս կեղծ Yeezy-ները: Ես երբեք չեմ մշակել նման գույներ (մարզակոշիկների), ես դրանց համար չեմ վարձատրվում, իսկ Adidas-ը դատի է տալիս ինձ: Բոլոր նոր, չհաստատված 350-ները զզվելի են։ Ինձ դատի են տալիս 250 միլիոն դոլարի համար: Նրանք չեն վճարում ինձ այն կոշիկների համար, որոնք արտադրում են և որոնց վրա իմ անունն է գրված»,- ասել է Ուեսթը։

Adidas-ը հայտարարել է, որ կվաճառի Yeezys-ի իր մնացած բաժնետոմսերը:
 
Ընկերությունը 2022 թվականին դադարեցրել է համագործակցությունը Քանյե Ուեսթի հետ՝ նրա ատելության խոսք պարունակող և հակասեմական հայտարարությունների հետևանքով: Adidas-ն այժմ հայտարարել է, որ մարզակոշիկների վաճառքից ստացված հասույթի մի մասը կուղղվի խմբերին, որոնք «պայքարում են խտրականության և ատելության, այդ թվում՝ ռասիզմի և հակասեմականության դեմ»: