Բժիշկը նշել է տարեց մարդկանց համար վնասակար մթերքները

Կարմիր միսը կարող է մեծացնել քաղցկեղի առաջացման վտանգը, մինչդեռ պանիրն ու թթուները կարող են մեծացնել հիպերտոնիայի ռիսկը: Տարեցները պետք է սահմանափակ քանակությամբ օգտագործեն այս մթերքները։ Այս մասին «РИАМО»-ին ասել է էնդոկրինոլոգ, բժշկական գիտությունների թեկնածու Օքսանա Միխալևան։

Տարեց մարդկանց խորհուրդ է տրվում օգտագործել կարմիր միս (հատկապես յուղոտ) ոչ ավելի, քան ամիսը մեկ անգամ՝ դրա բարձր խոլեստերինի պարունակության և 50 տարեկանից բարձր մարդկանց մոտ աղիքի քաղցկեղի զարգացման ռիսկի հետ կապված: Բացի այդ, տարեց մարդիկ պետք է զգույշ լինեն նաև բարձր յուղայնությամբ կաթնամթերքի հետ:

«Խոսքը հիմնականում պանրի մասին է։ Պանիրը բավականին առողջարար մթերք է, եթե այն սպառվում է չափավոր՝ օրական 20-30 գ-ից ոչ ավել։ Այն կալցիումի լավ աղբյուր է տարեցների համար։ Սակայն մեծ քանակությամբ օգտագործելու դեպքում աղի և խոլեստերինի բարձր պարունակության պատճառով այն կբարձրացնի հիպերտոնիայի, աթերոսկլերոզի և երիկամների ֆունկցիայի նվազման վտանգը»,- նշել է Միխալևան։

Բարձրակարգ ալյուրից պատրաստված հացաբուլկեղենը նույնպես կարող է վնասակար լինել տարեց մարդկանց համար:

Սպիտակ հացը, քաղցրավենիքները, շոկոլադը պետք է սահմանափակ քանակությամբ օգտագործվեն, նշել է նա։

Նրա խոսքով՝ թթուները կարող են վնասել երիկամներին և բարձրացնել արյան ճնշումը։ Ավելի լավ է խուսափել դրանցից։