TikTok-ը Instagram-ին մրցակից հավելված կթողարկի

Հանրահայտ TikTok վիդեո ծառայությունը նախատեսում է թողարկել լուսանկարների փոխանակման նոր հավելված, որը կմրցակի Instagram-ի հետ։

TikTok ծրագրավորողներն արդեն ծանուցել են օգտատերերին, որ շուտով կգործարկեն առանձին հավելված՝ «TikTok Notes»՝ լուսանկարներ հրապարակելու և տարածելու համար, հայտնում է TechCrunch-ը։ Ծանուցման մեջ ասվում է, որ օգտատերերը կկարողանան կարգավորել TikTok Notes-ը:

TikTok-ում նոր ֆոտոծառայության գործարկման ստույգ ժամկետները դեռ հստակեցված չեն։ TikTok-ի կողմից լուսանկարներ հրապարակելու հավելվածի մշակման մասին տեղեկատվությունը հայտնվեց դեռևս մարտին, երբ հիմնական հավելվածի կոդում հայտնաբերվեցին TikTok Photos ծառայության հղումներ։ Թվում է, որ նախագիծն այժմ հասել է վերջնական փուլ՝ մինչ պաշտոնական մեկնարկը, և նոր ֆոտոպլատֆորմը կարող է դառնալ Instagram-ի լուրջ մրցակիցը։

TikTok Notes-ը, հավանաբար, ավտոմատ կերպով կներմուծի այն լուսանկարները, որոնք օգտատերերը նախկինում տեղադրել են հիմնական TikTok հավելվածում՝ թույլ տալով նրան անմիջապես ստեղծել բովանդակության և օգտատերերի բազա: Մնում է միայն սպասել TikTok Notes-ի պաշտոնական հայտարարությանը և գործարկմանը:

Հետաքրքիր է, թե էլ ինչ նոր հնարավորություններ կփորձեն ծրագրավորողները օգտատերերին դեպի իրենց ֆոտոպլատֆորմ ներգրավելու համար, որպեսզի մրցեն արդեն հայտնի Instagram-ի հետ։