Հովիվ է՝ ինչ իմանա, թե սահմանը որն է, 1-2 մ անցել է՝ կրակել են. Հովսեփյանը՝ նախօրեի միջադեպի մասին
Հասարակություն
Ադրբեջանական կողմում նախօրեին հայտնված հովիվն էլ, ոչխարներն էլ հետ են վերադարձել, Տեղում են։ Ոչխարները փոստի աշխատողին են եղել։ Այս մասին «Փաստինֆոյի» հետ զրույցում ասաց Արավուսի նախկին գյուղապետ, Տեղ համայնքի ավագանու անդամ Արգամ Հովսեփյանը։
«Ներքին Խնձորեսկի ու Տեղ գյուղի սահմանը գետի կողքով է անցնում, ոչխարներն էդտեղ են արածացնում, էդտեղ են պահում։ Հովիվը ոչխարների հետևից գնացել է, դե, հովիվ է՝ ինչ իմանա, թե սահմանը որն է, մեղավոր չի, 1-2 մետր անցել է սկսել են կրակել»,-ասաց Հովսեփյանը։
Նա նշեց նաև, որ հովիվն հիմա էլի արոտավայրերում է՝ ոչխարների մոտ։ «Քանի որ ոչխարները շատ են՝ գյուղ չեն էլ բերում, այդքանին անհնարին է գյուղի մեջ պահելը, դրսում են պահում, բայց ամեն բան արդեն կարգավորվել է»։
Հիշեցնենք՝ նախօրեին ԱԱԾ-ն հաղորդագրություն է տարածել, որում նշված էր, որ ապրիլի 10-ին Հայաստան-Ադրբեջան պետական սահմանի Ներքին Խնձորեսկ հատվածում միջադեպ է տեղի ունեցել: Հայաստանի Հանրապետության քաղաքացի հանդիսացող հովիվը մոլորված հոտին փնտրելիս հայտնվել է Ադրբեջանի տարածքում: Իրադրության բերումով երկու կողմերի սահմանապահների կողմից հրաձգություն է տեղի ունեցել, որի հետևանքով ադրբեջանական կողմն ունի մեկ վիրավոր:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
