Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ)

Մեգան Թի Ստալյոնը ամբողջովին մերկ է հայտնվել Women's Health ամսագրի շապիկին և պատմել է դեպրեսիայի մասին՝ 2020 թվականին տեղի ունեցած հրաձգությունից հետո։ 

«Որպես սևամորթ կին, ինձանից ակնկալվում է, որ պետք է ընդունեմ պարտությունը, ընդունեմ ծեծը և նրբանկատորեն հաղթահարեմ այն: Բայց ես մարդ եմ, ու երկար ժամանակ ինձ որպես մարդ չէին վերաբերվում։ Կարծես բոլորը սովոր են այն փաստին, որ ես պարզապես կենսուրախ և զվարճալի երեկույթների աղջիկ եմ»,- ասել է Ստալյոնը:

Ռեփերի խոսքով՝ երկրպագուները հիասթափվել են իրենից, քանի որ չի արդարացրել նրանց սպասելիքները։ Նրա համար հեշտ չի եղել ելույթ ունենալ:

«Ես չէի ուզում վեր կենալ անկողնուց, նստում էի տանը՝ առանց լույսը միացնելու, մուգ վարագույրների հետևում։ Ես չէի ուզում տեսնել արևը և ինքս ինձ նման չէի: Որոշ ժամանակ անց  հասկացա, որ դեպրեսիայի մեջ եմ։ Երբ սկսեցի խոսել հոգեթերապևտի հետ, վերջապես կարողացա անկեղծ լինել ինքս ինձ հետ»,- նշել է աստղը։