Հոլիվուդյան նախկին աստղը դուրս է գրվել հոգեբուժարանից և դարձել մատնահարդար

Հոլիվուդյան նախկին աստղ և դերասանուհի Ամանդա Բայնսը դուրս է գրվել հոգեբուժարանից և մատնահարդար դարձել։ Այս մասին հայտնում է US Weekly-ն։

Ամանդա Բայնսը մատնահարդարություն է սովորել և ծրագրում է շուտով աշխատանք գտնել գեղեցկության սրահում:

2023 թվականի մարտին Բայնսը տեղափոխվել էր հոգեբուժական կլինիկա։ Դերասանուհին առանց հագուստի զբոսնել էր Լոս Անջելեսում և ինքն էլ զանգահարել 911: Հայտնի է, որ դերասանուհու ծնողները դեռ չեն դիտարկում դերասանուհու նկատմամբ խնամակալությունը վերականգնելու հնարավորությունը, որը վերացվել է 2022 թվականին։ Դերասանուհին դուրս է գրվել հոգեբուժարանից մայիսին։