Ավստրալացի միլիարդատերը մտադիր է արգելել աշխատակիցներին սուրճ խմելու գնալ

Ավստրալական Mineral Resources հանքարդյունաբերական ընկերության գործադիր տնօրեն Քրիս Էլիսոնը ցանկանում է արգելել իր աշխատակիցների սուրճի ընդմիջումները։ Նա ասել է, որ չի ցանկանում, որ իր աշխատակիցները «լքեն շենքը» ճաշի կամ սուրճի համար, փոխարենը ցանկանում է նրանց «գերի պահել ողջ օրվա ընթացքում», գրում է Business Insider-ը։

Բայց նա բարձր է գնահատել Mineral Resources-ի շտաբի հարմարությունները, որոնցում անձնակազմը «սիրում է» աշխատել և որն ունի ռեստորան, մարզասրահ և նոր ցերեկային խնամքի կենտրոն:

«Ես ուզում եմ նրանց ամբողջ օրը գերի պահել։ Ես չեմ ուզում, որ նրանք լքեն շենքը»,- ասել է Էլիսոնը, որի կարողությունը 1,2 միլիարդ դոլար է՝ ըստ Forbes-ի:

«Ես չեմ ուզում, որ նրանք դուրս գան՝ մի բաժակ սուրճ խմելու։ Մենք մի քանի տարի առաջ հասկացանք, թե դա որքան է արժենում», - ասել է Էլիսոնը, ով նաև արգելել է աշխատակիցներին աշխատել տնից:

 «Ես տնից աշխատանքի քաղաքականություն չեմ վարում: Ես կցանկանայի, որ բոլորը միանան մեզ որքան շուտ, այնքան լավ։ Արդյունաբերությունը չի կարող իրեն թույլ տալ դա: Մենք չենք կարող թույլ տալ, որ մարդիկ աշխատեն շաբաթը երեք օր և աշխատավարձ ստանան շաբաթը հինգ օր»,- հավելել է միլիարդատերը։

 «Մենք ունենք բժիշկներ և բուժքույրեր։ Մենք նրանց կկերակրենք, բայց մայրիկներն ու հայրիկները պետք է կաշխատեն գրասենյակում»,- ասել է Էլիսոնը։