Փեզեշքիանը Նեթանյահուին «հանցագործ» է անվանել

Իրանի նախագահ Մասուդ Փեզեշքիանը քննադատել է հուլիսի 24-ին ԱՄՆ Կոնգրեսում Իսրայելի վարչապետ Բենիամին Նեթանյահուի ելույթը։ Իսրայելի կաբինետի ղեկավարը նշել է, որ Թել Ավիվը կավարտի ռազմական գործողությունը Գազայի հատվածում, երբ պաղեստինյան ՀԱՄԱՍ շարժման զինյալները վայր դնեն զենքերը և ազատ արձակեն պատանդներին։

«Անմեղ մարդկանց ու անպաշտպան երեխաների սպանությունները չի կարելի անտեսել, իսկ հանցագործին չի կարելի «սպիտակեցնել» ծափերով։ Անմեղ արյունը երբեք չի խնայում հանցագործին», - ասվում է Իրանի առաջնորդի ուղերձում:

Ավելի վաղ Համադ բեն Խալիֆայի համալսարանի Մերձավոր Արևելքի ամբիոնի դոցենտ Մարկ Օուեն Ջոնսը Al Jazeera-ին տված հարցազրույցում կարծիք էր հայտնել, որ Նեթանյահուն ԱՄՆ է եկել ոչ թե ռազմական գործողությունները դադարեցնելու, այլ դրանք շարունակելու համար։

Ինչպես գրում է Parlamentary Gazette-ը, Իսրայելի նախկին վարչապետ Էհուդ Բարաքը, «Մոսադի» նախկին ղեկավար Թամիր Պարդոն և չորս այլ բարձրաստիճան քաղաքական գործիչներ կոչ են արել ԱՄՆ Կոնգրեսին թույլ չտալ Նեթանյահուին ելույթ ունենալ ամերիկացի օրենսդիրների առջև։

Նրանց կարծիքով՝ Կոնգրեսը սարսափելի սխալ է թույլ տվել՝ հրավիրելով քաղաքական գործչին, և Նեթանյահուի հայտնվելը Վաշինգտոնում չէր արտացոլի Իսրայելի և նրա քաղաքացիների շահերը։