Եվրոպական խորհուրդը հաստատել է Մագդալենա Գրոնոյին Հարավային Կովկասում ԵՄ հատուկ ներկայացուցչի պաշտոնում

Եվրոպական խորհրդի որոշմամբ Մագդալենա Գրոնոն նշանակվել է Հարավային Կովկասի և Վրաստանում ճգնաժամի հարցերով հատուկ ներկայացուցչի պաշտոնում՝ փոխարինելով Տոյվո Կլաարին։

Այս մասին նշված է Եվրոպական խորհրդի տարածած մամլո հաղորդագրության մեջ։ 

Մագդալենա Գրոնոն իր պարտականություններին կանցնի 2024 թվականի սեպտեմբերի 1-ից՝ 12 ամիս սկզբնական ժամկետով:

«Որպես նոր հատուկ ներկայացուցիչ՝ Գրոնոն կշարունակի իր նախորդների աշխատանքը՝ նպաստելով տարածաշրջանում Եվրոպական միության արտաքին քաղաքականության նպատակների իրականացմանը։ Նա կնպաստի հակամարտությունների խաղաղ կարգավորմանը, ներառյալ Վրաստանի ճգնաժամը և Հայաստանի ու Ադրբեջանի միջև հարաբերությունների կարգավորման գործընթացը՝ ՄԱԿ-ի և ԵԱՀԿ-ի հետ սերտ համակարգմամբ։ Նա կաշխատի տարածաշրջանի հետ կապված հիմնական շահագրգիռ դերակատարների հետ և կզարգացնի կապերը կառավարությունների, խորհրդարանների, քաղաքական այլ կարևոր դերակատարների և քաղաքացիական հասարակության հետ՝ խրախուսելով և աջակցելով տարածաշրջանային ընդհանուր հետաքրքրություն ներկայացնող թեմաների շուրջ համագործակցությանը», - նշված է հաղորդագրության մեջ:

Այս թեմայով Արևմուտքը փորձում է Հարավային Կովկասում տեղակայել իր «խաղաղապահ» ​​զորակազմը. Բորտնիկով «Վրացական երազանքը» ողջունում է Լավրովի հայտարարությունը, բայց ցանկանում է՝ ՌԴ-ն զnրքերը հանի Աբխազիայից և Հրվ. Օսիայից. Կալաձե Միրզոյանը և Արաղչին Նյու Յորքում քննարկել են Հարավային Կովկասում տիրող իրավիճակը Կոչ ենք անում անհապաղ 21-օրյա հրադադшր հաստատել Լիբանան-Իսրայել սահմանին. Արևմուտքը համատեղ հայտարարություն է տարածել Արմեն Գրիգորյանը հաստատվեց Հայաստանի պետական տնտեսագիտական համալսարանի ռեկտորի պաշտոնում