Հայտնի է Իրանի նորընտիր նախագահի երդմնակալության օրը

Իրանի նորընտիր նախագահ Մասուդ Փեզեշքիանի երդմնակալության արարողությունը տեղի կունենա հուլիսի 28-ին՝ ժամը 10:00-ին, գրում է Ekhtaz News-ը։ Արարողությանը կմասնակցեն Իրանի հոգևոր առաջնորդ այաթոլլա Ալի Խամենեին, օտարերկրյա դեսպանատների ներկայացուցիչներ, զինվորականներ և այլն։

Հուլիսի 5-ին Իրանում տեղի է ունեցել արտահերթ նախագահական ընտրությունների երկրորդ փուլը, որը նշանակվել է նախկին նախագահ Իբրահիմ Ռաիսիի մահից հետո։ Բարեփոխական թևի թեկնածու, առողջապահության նախկին նախարար Փեզեշքիանը հաղթել է ընդհանուր ձայների 53,6%-ով։