Թրամփը մեծ հանրահավաք կանցկացնի այն վայրում, որտեղ իր դեմ մահափորձ էր իրականացվել

ԱՄՆ նախագահի թեկնածու Դոնալդ Թրամփը սոցիալական ցանցում հայտարարել է Փենսիլվանիայի Բաթլեր քաղաքում, որտեղ իր դեմ մահափորձ էր իրականացվել, հանրահավաք անցկացնելու մասին:

«Ես կվերադառնամ Բաթլեր, Փենսիլվանիա՝ մեծ և հրաշալի հանրահավաքի»,- գրել է քաղաքական գործիչը։

Թրամփը նշել է, որ մտադիր է հարգել միջադեպի ժամանակ զոհված հրշեջ Քորի Կոմպատորեի հիշատակը և շնորհակալություն հայտնել վիրավորում ստացած քաղաքացիներին: