CAPRA-ի կոչը Ասիա-Խաղաղօվկիանոսյան տարածաշրջանի երկրների կառավարություններին

Քաղաքական 29 Հուլիս, 2024 16:04

Վերջերս կատարած հայտարարությամբ Ասիա-խաղաղօվկիանոսյան վնասի նվազեցման ջատագովների կոալիցիան (CAPHRA) Ասիական-խաղաղօվկիանոսյան տարածաշրջանի կառավարություններին կոչ է արել հետևել Նոր Զելանդիայի օրինակին` թույլ տալով նիկոտինային այլընտրանքների վաճառքը որպես ծխախոտի վնասի նվազեցման համապարփակ ռազմավարության մաս:

Նոր Զելանդիայի կառավարությունը վերջերս սկզբունքորեն համաձայնեց թույլատրել առանց ծխի նիկոտինային արտադրանքի վաճառքը: Այս առաջադեմ քաղաքականությունները համահունչ են ապացույցներին, որ այս ապրանքները կարող են կարևոր և վճռորոշ դեր խաղալ ծխելու մակարդակը նվազեցնելու և հանրային առողջության արդյունքների բարելավման գործում:

Ասիայում և Խաղաղ օվկիանոսում ծխելու վնասի նվազեցման կոալիցիայի գործադիր համակարգող Նենսի Լուկասը ասել է. «Նոր Զելանդիայի մոտեցումը ցույց է տալիս, թե ինչպես ծխելու վնասի նվազեցման միջամտությունների իրականացումը կարող է ուժեղացնել ծխելու դեմ պայքարը: Երկրում ծխելու մակարդակն ընկել է հասնելով պատմական նվազագույնի` ցույց տալով վնասի նվազեցման պրագմատիկ քաղաքականության արդյունավետությունը», - շեշտել է Լուկասը։

Ըստ Նոր Զելանդիայից ստացված վերջին տվյալների պարզ է դառնում, որ նպատակն արդարացնում է միջոցները։ Ծխելու օրական մակարդակը նվազել է մինչև 6,8 տոկոս՝ 2011/12 թվականների 16,4 տոկոսի համեմատ: Այս զգալի անկումը համընկավ էլեկտրոնային սիգարետների նկատմամբ առաջադեմ կանոնակարգերի ընդունման և այլ նվազեցված ռիսկով նիկոտինային արտադրանքների նկատմամբ բաց լինելու հետ:

Ասիա-խաղաղօվկիանոսյան տարածաշրջանում ծխելու վնասի նվազեցման կոալիցիան հայտարարել է, որ գիտական ապացույցներն ավելի ու ավելի են հաստատում, որ սնուսի օգտագործումը Շվեդիայում հանգեցրել է ծխելու հետ կապված հիվանդությունների մակարդակի զգալի նվազմանը, համեմատած եվրոպական այլ երկրների հետ։

Շվեդիա:

Ծխելու մակարդակի կտրուկ անկում. Շվեդիայում վերջին մի քանի տասնամյակների ընթացքում նկատվել է ծխելու մակարդակի զգալի անկում: 1960-ականներին շվեդ տղամարդկանց գրեթե կեսը ծխում էր: Մինչև 2022 թվականը շվեդ մեծահասակների միայն 5,6%-ն էր ծխում, ինչը հիմնականում կապված է սնուսի, իսկ վերջերս էլ նիկոտինային այլընտրանքների լայնածավալ օգտագործման հետ:

Նորվեգիա:

Նորվեգիայում նույնպես նկատվել է ծխելու մակարդակի զգալի անկում, հատկապես երիտասարդների շրջանում: 2021 թվականին 16-ից 24 տարեկան նորվեգացիների միայն 1%-ն էր ամեն օր ծխում, ինչը ցույց է տալիս այլընտրանքային նիկոտինային արտադրանքի արդյունավետությունը:

Նենսի Լուկասը հավելել է. «Ասիա-խաղաղօվկիանոսյան տարածաշրջանի երկրները հնարավորություն ունեն զգալիորեն բարելավել հանրային առողջությունը՝ թույլատրելով և պատշաճ կերպով կարգավորելով այս ապրանքների օգտագործումը: Շարունակել արգելել ավելի քիչ վնասակար այլընտրանքները, մինչդեռ մահացու ծխախոտը լայնորեն հասանելի է, հակաարդյունավետ և վնասակար է հանրային առողջության համար», - ասել է նա։

CAPHRA-ն ընդգծում է, որ կանոնակարգերը պետք է ապահովեն արտադրանքի որակը և անվտանգությունը՝ միաժամանակ այդ այլընտրանքները հասանելի դարձնելով ծխելը թողնել ցանկացող չափահասների համար: Կազմակերպությունը կոչ է անում հավասարակշռված մոտեցում ցուցաբերել, որը պաշտպանում է երիտասարդներին՝ միաժամանակ օգնելով միլիոնավոր ներկայիս ծխողներին թողնել այրվող սիգարետը:

«Մենք հորդորում և կոչ ենք անում տարածաշրջանում քաղաքական գործիչներին, ողջ տարածաշրջանում օբյեկտիվորեն վերանայել փաստացի ապացույցները և համագործակցել սպառողների և փորձագետների հետ ծխելու վնասի նվազեցման վերաբերյալ։ Ժամանակն է հեռանալ «հրաժարվել կամ մեռնել» հնացած մոտեցումներից և օգտագործել հասանելի գործիքների ամբողջ շարքը՝ ծխելու համաճարակը վերջ դնելու համար», - ասել է Լուկասը: