Ինչո՞ւ Փաշինյանը չի «լսել» Իրանի առաջնորդի կտրուկ խոսքը միջանցքի մասին․ քաղաքագետ

Քաղաքագետ Սուրեն Սուրենյանցը գրում է․

«Ինչո՞ւ Փաշինյանը չի «լսել» Իրանի առաջնորդի կտրուկ խոսքը միջանցքի մասին։

Իրանական «Մեհր» գործակալության փոխանցմամբ, Փաշինյանի հետ հանդիպմանը Իրանի հոգևոր առաջնորդը ևս մեկ անգամ ընդգծել է Հայաստանի տարածքային ամբողջականության ապահովման կարևորությունը՝ շեշտելով. «Իրանը այսպես կոչված «Զանգեզուրի միջանցքը» վնասաբեր է համարում Հայաստանի համար։ Օտարները չպետք է սահմանափակումներ ստեղծեն հարևանների հետ երկրների հարաբերություններում»։

Իրանի հոգևոր առաջնորդ Ալի Խամենեին նաև X-ի իր էջում է նշել, որ Զանգեզուրի միջանցքը չի բխում Հայաստանի շահերից ու Իրանը հավատարիմ է մնալու այս հարցում իր դիրքորոշմանը։

Վարչապետ Փաշինյանի գրասենյակը այսպես կոչված «Զանգեզուրի միջանցքի» անդրադարձի մասին ոչինչ չի հաղորդում։

Այս փաստը, մեղմ ասած, տարօրինակ է:

Որպես կանոն, պետությունները «որսում» և որպես հաղթաթուղթ են օգտագործում օտարերկրյա առաջնորդի որևէ խոսք, որը բխում է իրենց օրակարգից կամ նպաստում է առկա անվտանգային ռիսկերի կառավարմանը:

Ուրեմն, ինչո՞ւ է տրամաբանությանը խիստ հակառակ մոտեցում որդեգրել Երևանը:

Եթե Թեհրանի ընդվզումը պայմանավորված լիներ Եռակողմ հայտարարության 9-րդ կետի կարգավորումների դեմ, անկասկած՝ Ռահբարի խոսքերը զետեղված կլինեին իշխանության պրոպագանդայի նյութերի վերնագրերում՝ սպասարկելու համար Փաշինյանի իշխանության, այսպես ասած, հակառուսական գիծը:

Բայց, կարծես, Իրանի հոգևոր առաջնորդը հակադարձում է ԱՄՆ պետքարտուղարի տեղակալ Ջեյմս Օ'Բրայենի և Թուրքիայի նախագահ Էրդողանի միջանցքային ակնարկներին:

Արդյո՞ք, Իրանը հնարավոր ճնշումներից փորձում է հեռու պահել Երևանին, թե՞ ընդվզում է մեր իշխանության հնարավոր համաձայնության դեմ, որը գուցե կորզել են ամերիկսցիները:

Դժվար է այս հարցին միարժեք պատասխան տալ, բայց իմ ունեցած տեղեկություններով՝ Երևանը համաձայնություն է տվել ԱՄՆ առաջարկած «միջանցքային» տրամաբանության և սա է պատճառը, որ Փաշինյանն այսօր Թեհրանում չի «լսել» Իրանի առաջնորդի կտրուկ խոս