Սահմանամերձ Մովսես գյուղում իրավիճակն ավելի է սրվել. Համայնքային իշխանություններն անգործության են մատնված

Սահմանամերձ Մովսես գյուղում խնդիրները միայն ավելանում են՝ լուծվելու փոխարեն։ Բնակիչներն ահազանգում են՝ ճանապարհները դառնում են անանցանելի, իսկ համայնքային իշխանություններն ասում են՝ սելավները կավարտվեն, հետո կվերանորոգեն ու ոչինչ, որ գյուղի բնակիչների կյանքը դառնում է անտանելի՝ պատճառ դառնալով ներքին արտագաղթի համար։

Տավուշի մարզպետարանի աշխատակազմի տարածքային կառավարման և տեղական ինքնակառավարման հարցերի վարչության պետ Աղաբեկ Գալստյանը «Փաստինֆո»-ի հետ զրույցում վստահեցրել է, թե խոսել է համայնքի ղեկավարի հետ, որն ասել է խնդիր չունեն։ «Ինձ ասաց, գյուղերը հերթով մտնում նորոգում են։ Անձրևները շարունակվում են, որ ասեմ ամեն օր իրենք կարող են մտնել շինարարական աշխատանքներ իրականացնել, սուտ կլինի, դեռ անձրևներ են լինում, մեզ մոտ հենց այդ պատճառով գյուղերում ճանապարհաշինարարությունը սովոաոբար կատարվում է հուլիսից օգոստոս ընկած ժամանակահատվածում»,- ասաց մարզպետարանի պաշտոնյան։

Մինչդեռ «Փաստինֆո»-ի հետ զրույցում բնակիչները նշեել են, որ ոչ միայն ամեն ինչ լավ չէ, այլ դեռ մի բան էլ ավելի է վատթարացել։

Մովսես գյուղի ճանապարհների մասին ավելի վաղ եւս գրել էինք՝ նշելով, որ առաջացած փոսերը բավական դժվարացրել է երթեւեկությունը, ինչին գումարվել էր նաեւ գիշերային լուսավորության բացակայությունը, իսկ թշնամին գտնվում է ընդամենը մի քանի կմ հեռավորության վրա։

Զրույցի ընթացքում այսօր բնակիչները պատմել են, որ Ճանապարհահատված ունեն, որն ընդհանրապես երթևեկելի չէ, մեքենան եթե փորձի անցնել, ապա քարշակի կարիք կառաջանա։ Բացի այդ՝ մայիս-հունիս ամիսների սելավներին հաջորդել է նաեւ կարկուտը, որը նաեւ մեծ վնաս է հասցրել բերքին, տների տանիքներին, իսկ տեղական ինքնակառավարման մարմինները պատշաճ ուշադրություն սահմանամերձ բնակավայրին չեն դարձնում։

Այս թեմայով Իսրայելն ավելի քան 80 ավիահարված է հասցրել Լիբանանին (լուսանկարներ) Վստահ ենք, որ ռազմավարական գործընկերությունն էլ ավելի կամրապնդի հարաբերությունները. Վրաստանի ԱԳՆ Վստահ ենք, որ ռազմավարական գործընկերությունն էլ ավելի կամրապնդի հարաբերությունները. Վրաստանի ԱԳՆ Վստահ ենք, որ ռազմավարական գործընկերությունն էլ ավելի կամրապնդի հարաբերությունները. Վրաստանի ԱԳՆ Կրակոցներ՝ «Վերնիսաժի» մոտ. 40-ից ավելի անձանց միջև վիճաբանություն է եղել, անչափահասի են ծեծել. Armlur.am