Դավիթաշենի 4-րդ թաղամասում հրդեհ է բռնկվել «Mercedes»-ում. ավտոմեքենան դարձել է ոչ շահագործելի

Այսօր՝ օգոստոսի 1-ին, արտակարգ դեպք է տեղի ունեցել Երևանում: Ժամը 14:50-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Դավիթաշեն 4-րդ թաղամասի թիվ 48 շենքի բակում ավտոմեքենա է այրվում:

Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի թիվ 13 հրշեջ-փրկարարական ջոկատից 1 մարտական հաշվարկ:

Մինչ հրշեջների ժամանումը՝ «մերս» մակնիշի ավտոմեքենայում առաջացած կրակի դեմ պայքարել են ավտոմեքենայի վարորդը՝ Երևանի բնակիչ 41-ամյա Արթուր Հ.-ն և քաղաքացիները, ապա ժամանած հրշեջները մարել են կրակը:
Առավել մանրամասն՝ սկզբնաղբյուր կայքում։