Արա Մխիթարյանին դաժանաբար ծեծի գործով պայմանական վաղաժամկետ ազատ արձակված Հարություն Գրիգորյանը կրկին կհայտնվի անազատության մեջ

Փոխգնդապետ Արա Մխիթարյանին դաժանաբար ծեծի ենթարկելու համար դատապարտված, ապա՝ պայմանական վաղաժամկետ ազատ արձակված Հարություն Գրիգորյանը կրկին կհայտնվի անազատության մեջ։ Վերաքննիչ քրեական դատարանի որոշումը, որով բեկանվել է Գրիգորյանի պայմանական ազատ արձակման որոշումը, օրինական ուժ է ստացել։

Ինչպես արդեն տեղեկացրել ենք՝ Արարատի և Վայոց Ձորի մարզերի ընդհանուր իրավասության դատարանի որոշմամբ՝ Հարություն Գրիգորյանը դատապարտվել էր ազատազրկման՝ հինգ տարի ժամկետով, պատժի կրման սկիզբը հաշվվել է 2019թ-ից։ 2024թ. փետրվար ամսին Հարություն Գրիգորյանը Կոտայքի մարզի ընդհանուր իրավասության դատարանի որոշմամբ պայմանական վաղաժամկետ ազատ էր արձակվել ՔԿՀ-ից։

Դատական ակտի դեմ բողոք է ներկայացվել, որը Վերաքննիչ քրեական դատարանը բավարարել է՝ բեկանելով պայմանական վաղաժամկետ ազատ արձակման որոշումը, իսկ վճռաբեկ բողոքը վարույթ չի ընդունվել, ըստ այդմ, օրինական ուժ է ստացել վերաքննիչ դատարանի որոշումը։

«Վճռաբեկ դատարանը բողոքը վարույթ ընդունում է հետևյալ դեպքերում. ՀՀ քրեական դատավարության օրենսգրքի 396 հոդվածի համաձայն, 1. եթե գալսիէ հետրության, որ վերաքննիչ դատարանի կողմից առերևույթ թույլ է տրվել դատական սխալ կամ առկա է բողոքարկվող դատական ակտը ոչ իրավաչափ դարձնող որեվէ փաստական կամ իրավական հանգամանք. 2. առերևույթ քրեադատավարական օրենքի էական խախտման հետևաքնով դատական ակտը կարողէ խաթարել արդարադատության էությունը: Վճռաբեկ դատարանը գտել է , որ բողոքաբերի կողմից չեն բերվել բավարար հիմնավորումներ , որ վերաքննիչ դատարանը առերևույթ թույլ է տվել դատական սխալ, կամ քրեադատավարական օրենքի էական խախտում թույլ տալու հետևաքնով խաթարվել է արդարադատության բուն էությունը»,- «Փաստինֆո»-ի հետ զրույցում պարզաբանել է Քրեական դատարանների խոսնակ Լիանա Ռաֆայելյանը՝ նշելով, որ Վճռաբեկ դատարանի որոշումը հրապարակվել է հուլիսի 27-ին։

ՔԿԾ-ից, սակայն, հայտնեցին, որ Հարություն Գրիգորյանը դեռևս չի տեղափոխվել ՔԿՀ։

Նշենք, որ Արա Մխիթարյանի ծեծի գործով Զավեն Գրիգորյանի մասով գործը դատարան չի ուղարկվել, նախաքննական մարմնի որոշմամբ՝ նրա նկատմամբ հետապնդումը դադարեցվել է՝ արդարացման հիմքով։

Հիշեցնենք, որ փոխգնդապետ Արա Մխիթարյանը դաժան ծեծի էր ենթարկվել 2019 թ. սեպտեմբերի 18-ին Վայոց Ձորի մարզի Եղեգնաձոր քաղաքի Արսենյան փողոցի շենքերից մեկի բակում։ Հարազատների պնդմամբ՝ փոխգնդապետի նկատմամբ կիրառված բռնությանն անմիջական մասնակցություն է ունեցել նաեւ Տրդատ Սարգսյանը, որը հենց այս աղմուկի հետեւանքով հայտարարեց մարզպետի պաշտոնից հրաժարական տալու մասին։

Միջադեպին մարզպետի ներկայության հանգամանքը իրենց ցուցմունքներում պնդել են նաեւ 3 վկաները, այդուհանդերձ նախկին մարզպետին մեղադրանք չի առաջադրվել, ավելին՝ այժմ նրանց են մեղադրում սուտ մատնության մեջ, գործը դատարանում է։ 2023թ. հուլիսի 27-ին մոտ 4 տարի կոմայի մեջ գտնվող փոխգնդապետ Արա Մխիթարյանը մահացել է։

Այս թեմայով Սեպտեմբերի 29-ից երկնքում կհայտնվի «երկրորդ լուսինը» Քանի՞ տեսակ զենք է արտադրում Ադրբեջանը․ Ալիևը կրկին պարծեցել է Կոմայի մեջ գտնվող 10-ամյա աղջիկը ամենայն հավանականությամբ ընկել է աստիճանահարթակից. տնօրեն Սերժ Սարգսյանի գործով մեղադրող դատախազը «Մխիթար Գոշ» մեդալով է պարգեւատրվել. «Ժողովուրդ» Սերոբ Գասպարյանի գործով հայտարարություն․ Ալեքսանդր Կոչուբաեվ