Էրդողանն Ալիևին շնորհակալություն է հայտնել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Այս մասին հայտնում է Թուրքիայի նախագահի աշխատակազմի հաղորդակցության վարչությունը։ Զրույցի ընթացքում նրանք քննարկել են երկկողմ հարաբերությունների ընթացիկ հարցեր, ինչպես նաև տարածաշրջանային և գլոբալ իրադարձություններ։

Ալիևն իր համերաշխությունն է հայտնել Թուրքիայում անտառային հրդեհների կապակցությամբ և վստահեցրել, որ Ադրբեջանը պատրաստ է ցուցաբերել անհրաժեշտ ցանկացած աջակցություն։ Այս օգնության շրջանակներում Ալիևն ասել է, որ Ադրբեջանը հրշեջ ինքնաթիռ է ուղարկել Թուրքիա հրդեհների մարմանը մասնակցելու համար։

Իր հերթին, Էրդողանը շնորհակալություն է հայտնել ադրբեջանցիներին աջակցության համար և նշել՝ «նման դժվարին պահերին Թուրքիայի և Ադրբեջանի միջև եղբայրական հարաբերություններն էլ ավելի են ամրապնդվում»։