Պակիստանում անձրևների պատճառով՝ գրեթե 280 մարդ է զոհվել (լուսանկարներ)

Պակիստանի Փենջաբ նահանգում մոլեգնող անձրևների հետևանքով՝ գրեթե 280 մարդ է զոհվել։ Վնասվել է 245 տուն, հայտնում է Express Tribune-ը:

Անձրևներից սպանվել են նաև տասնյակ ընտանի կենդանիներ: Ըստ կանխատեսումների՝ անձրևները կշարունակվեն առաջիկա 24 ժամվա ընթացքում։ Իշխանությունները նախազգուշացրել են հարավային Փենջաբում ջրհեղեղի վտանգի մասին, իսկ օգոստոսի 18-ին Express Tribune-ը, հղում անելով Ազգային աղետների կառավարման մարմնին, հայտնել է, որ հուլիսի 1-ից օգոստոսի 17-ը հորդառատ անձրևների և դրան հաջորդած ջրհեղեղների հետևանքով զոհվել է առնվազն 195 մարդ։

Եվս 362 մարդ տարբեր աստիճանի վնասվածքներ է ստացել։ Ըստ վարչության՝ անձրևները հսկայական հետևանքներ են ունեցել, այդ թվում՝ ավելի քան 2000 տուն է ավերվել։

Ջրհեղեղները նաև ամբողջ երկրում վնասել են ավելի քան 44 կիլոմետր ճանապարհ և 30 կամուրջ։