Վարչապետի աշխատակազմը 6,3 մլն դրամ է հատկացրել անվտանգության ապահովման սարքերին

ArmLur.am-ը ՀՀ պետական գնումների կայքից տեղեկանում է, որ Հայաստանի Հանրապետության վարչապետի աշխատակազմը «ՋԻ-ԷՍ-ՍԻ» ՍՊԸ-ի հետ կնքել է 6 մլն 366 հազար դրամարժողությամբ պայմանագիր։

Պայմանագրով նախատեսվում է անվտանգության ապահովման սարքեր ձեռք բերել։ Ապրանքը պայմանագրով սահմանված ժամկետում վաճառողի կողմից չմատակարարելու դեպքում գնորդը կարող է հրաժարվել ապրանքից, եթե մատակարարման ժամկետները խախտվել են 15 օրից ավելի:

Պայմանագրով ձեռք է բերվել տեսաձայնագրիչ Hikvision DS-7608NI-M2 9 հատ, հիշողության կոշտ սկավառակ ST6000VX001-520 2 հատ, տեսախցիկ Hikvision DS-2CD2T87G2HLI(4mm)(eF) 26 հատ, սերվերային պահարան LNPRB-09U6060-BL-F 1 հատ և այլ տեխնիկական անհրաժեշտ իրեր։

Էմմա Միքայելյան