Վենսը Թրամփից ավելի «թրամփ» է, և նա է լինելու հաջորդ նախագահը. փորձագետ (տեսանյութ)

«ԱՄՆ փոխնախագահի թեկնածու Ջեյմս Դևիդ Վենսը անչափ ուշագրավ ելույթ ունեցավ»։ Այս մասին ասել է տնտեսագետ և հրապարակախոս Միխայիլ Խազինը Սթիվ Դուդնիկին տված հարցազրույցում։

«Վենսը փաստացիորեն պատմեց այն ծրագրի մասին, որով պատրաստվում են առաջադրվել։ Ոչ մեկի համար այլևս գաղտնիք չէ, որ գործերով զբաղվելու է հենց ինքը՝ Վենսը, իսկ Թրամփը միայն պայմանավորվելու է այդ ամենի մասին։ Միևնույն ժամանակ, Թրամփը քանի որ «գործի մարդ» է, նա գործարքներ է կնքելու, իսկ գործնականում դա իրագործելու է համակարգը։ Այսինքն՝ Վենսը լինելու է, այսպես ասած, «գործադիր տնօրենը», և, ի դեպ, դա կատարյալ կոնստրուկցիա է։ Ես կարծում եմ՝ պատկերն այսպիսին է, ես կասեի՝ զվարճալի»,-ասում է փորձագետը։

«Նրանց սկզբունքը հետևյալն է. պետք է «թքած ունենալ» Արևմտյան Եվրոպայի, Մերձավոր Արևելքի վրա, որովհետև այնտեղ չկան այնպիսի խաղացողներ, որոնք կարող են խանգարել ԱՄՆ-ին։ Մերձավոր Արևելքում միակ խանգարող հանգամանքն այն է, որ արաբները գնդակոծում են Իսրայելը։ Եվ այստեղ Թրամփը կարող է «պայմանավորվել» Իրանի հետ, որովհետև վերջինս հետաքրքրված է, որպեսզի Իսրայելը մնա, քանի որ պարսիկները արաբներին չեն սիրում»,-ասում է փորձագետը։ 

«Կարճ ասած՝ շատ լուրջ մարդիկ փորձում են լուծել առաջիկա 30 տարվա ընթացքում իշխանության լինելու հարցը։ Ես կասկածում եմ՝ բոլոր «բիլգեյթսերը» որոշել են մասնակցել դրան։ Եվ շատ լուրջ մարդիկ խանգարել են դրան՝ նրանց խանգարելով՝ մտնել խաղի մեջ։

Վենսը Թրամփից ավելի «թրամփ» է, և նա է լինելու հաջորդ նախագահը։ Թրամփին այլևս ոչ ոք չի փորձելու սպանել»,-ասում է փորձագետ Խազինը։