Ագրարային համալսարանի 18 մասնագիտություններում ընդունվել է ընդամենը 52 դիմորդ

ԳԹԿ-ն հրապարակել է այս տարվա  ընդունելության քննությունների արդյունքները: Ներկայացնում ենք Ագրարային համալսարան ընդունված դիմորդների թիվն՝ ըստ մասնագիտությունների:

1. Ագրոնոմիա, սելեկցիա և գենետիկա – 0 
2.Բույսերի պաշտպանություն - 0 ուսանող
3. Ագրոարդյունաբերության տեխնոլոգիաներ - 0
4. Կենդանագիտություն և կենսատեխնոլոգիա - 0
5. Ագրոէկոլոգիա - 0
6. Անտառային տնտեսություն և բնակավայրերի կանաչապատում- 0
7. Հողային և ջրային ռեսուրսների ճարտարագիտություն – 0
8. Մեքենասարքավորումների ճարտարագիտություն – 0
9.Անասնաբուժական-սանիտարական փորձաքննություն – 1
10. Անասնաբուժություն - 1 ուսանող
11. Խմորման արտադրության տեխնոլոգիա և գինեգործություն – 1 ուսանող
12.Ճշգրիտ գյուղատնտեսություն – 2
13.Ջերմատնային ագրոտեխնոլոգիա - 2 
14. Պարենամթերքի տեխնոլոգիա - 2 ուսանող
15.Սննդամթերքի անվտանգություն- 2
16.Տրանսպորտային և լոգիստիկ համակարգեր - 4
17. Ագրոպարենային համակարգի էկոնոմիկա - 8 ուսանող

18. Ագրոբիզնես և ֆինանսներ – 29 ուսանող
Ագրարային համալսարանին 2024-2025 ուսումնական տարում հատկացված առկա ուսուցման անվճար տեղերից 93-ը թափուր են մնացել:

Կարող ենք արձանագրել, որ 
1. 18 մասնագիտություններից 8-ում որևէ դիմորդ չի ընդունվել,
2. 7 մասնագիտություններում ընդունվել են 1 կամ 2 ուսանողներ,
3. Ընդունված 52 դիմորդներից 37-ը կամ 71 տոկոսը ընտրել են տնտեսագիտական մասնագիտություններ,
4. Ընդունված 54 դիմորդներից 41-ը կամ 79 տոկոսը տղաներ են, ովքեր մոտ ապագայում զորակաչվելու են բանակ:

Թե ինչպես է 1-2 հոգանոց կուրսերում կազմակերպվելու որակյալ կրթություն, թերևս դա միայն կիմանա համալսարանի ղեկավարությունը, քանի որ նրանք ջանք չեն խնայում աղաղակելու  աննախադեպ որակյալ կրթական ծառայություններ մատուցելու մասին:

Հ.Գ. Հիշեցնենք, որ այս անմխիթար և ողբերգական իրավիճակն է արձանագրվում 5-րդ տարին անընդմեջ: Օրինակ, անցած տարի ընդունվել են 54, իսկ նախանցած տարի 38 դիմորդներ: Ի դեպ, 2017թ. մինչև Վարդան Ուռուտյանի ռեկտոր դառնալը Ագրարային համալսարանի առկա ուսուցման համակարգ ընդունվել է 713 ուսանող։