Մաշկի խնամքի միջամտություն՝ սաղմոնի սերմնահեղուկի ներարկմամբ․ այն փորձել է Քիմ Քարդաշյանը

Վերջերս Քիմ Քարդաշյանն աշխարհին տեղեկացրել է, որ փորձել է մաշկի խնամքի միջամտություն՝ սաղմոնի սերմնահեղուկի ներարկմամբ։ Նա միակը չէ, որը փորձել է այդ միջամտությունը։ Դա արել է նաեւ Ջենիֆեր Էնիսթոնը։ Այսպիսով, իրականում ի՞նչ է այդ միջամտությունը, եւ որո՞նք են դրա առավելությունները։

Իսկապես, ռեալիթի-շոուի աստղը մաշկի ոչ ավանդական խնամքը հարցերի տարափ է առաջացրել (ո՞վ է, ամեն դեպքում, որոշել սերմնահեղուկ ներարկել դեմքին, կա՞ն արդյոք օգուտներ եւ այլն)։ Մենք դիմեցինք դոկտոր Գաբրիել Չիուին՝ Բեւեռլի-Հիլզի հավաստագրված պլաստիկ եւ վերականգնողական վիրաբույժին եւ պլաստիկ վիրաբուժության կլինիկայի հիմնադրին։

Խոսքը Rejuran ներարկման մասին է, որի հիմնական բաղադրիչը սաղմոնի կաթի (այսինքն՝ սերմնահեղուկի) երկարաշղթա պոլինուկլեոտիդային ԴՆԹ-ն է, ինչպես նաեւ գիալուրոնային թթուն։ Սաղմոնի կաթն օգտագործվում է արդեն մոտ 15 տարի։ Ավելին, սաղմոնի սերմնահեղուկից պատրաստված միջոցը դեմքի համար գոյություն ունի արդեն մոտ ինը տարի։

Սաղմոնի սերմնահեղուկի առավելությունները

Հայտնի է, որ սաղմոնի (եւ անգամ ձկան յուղի) օգտագործումը շատ օգտակար է, բայց ի՞նչ կարող է հատկապես առաջարկել սաղմոնի սերմնահեղուկը։

Դեմքի դեպքում այն հարթեցնում է մաշկը, նեղացնում անցքերը, փոքրացնում պզուկների սպիները, բարելավում մաշկի հիդրատացիան, նպաստում կոլագենի արտադրմանը, հարթում է բարակ կնճիռները եւ վերացնում ծերացման նշանները։

Աղբյուրը` Style.news.am