Սառը սուրճ պատրաստելու 3 հրաշալի և պարզ բաղադրատոմս

Շոգ ամառային օրերին ամենազովացուցիչ և առույգացնող ըմպելիքներց մեկն է համեղ պատրաստված սառը սուրճը։ Առաջարկում ենք սառը սուրճ պատրաստելու հրաշալի բաղադրատոմսեր, որոնք կօգնեն զովանալ ամառվա տապին։

Սրճային սմուզի

• 250 մլ թարմ եփված և սառեցված էսպրեսսո սուրճ
• Ոչ մեծ բանան
• 250 մլ սովորական յուղազերծված յոգուրտ
• 1/2 ճ. գ. բնական, ոչ քացր կակաոի փոշի

Բանանից պատրաստել պյուրե, ավելացնել յոգուրտը և հարել։ Ստացված զանգվածին ավելացնել թարմ եփված և սառեցված էսպրեսսո սուրճը և կրկին հարել։ Կակաո և դարչինն ավելացնել ըստ ճաշակի։

Սրճային սառույցներով կաթ

• 5 թ.գ. լուծվող սուրճ
• 5 ճ.գ. շաքար
• վանիլ
• 250 մլ եռացրած ջուր
• 250 մլ կաթ

Տարայի մեջ խառնել սուրճը շաքարի հետ, ավելացնել եռացրած ջուրը և խառնել։ Ստացված ըմպելիքը մի փոքր սառեցնել, ավելացնել մեկ պտղունց վանիլ, այդ ամենը լցնել սառույցի ձևամանների մեջ և տեղադրել սառնախցիկում։ Երբ սառույցը պատրաստ կլինի՝ լցնել այն բարձր բաժակների մեջ և վրան լցնել սառը կաթ։ Մի փոքր սպասեք, որպեսզի սառույցը մի փոքր հալվի և խառնվի կաթի հետ։ Պատրաստ է։

Տնային սառը կապուչինո

• 1 բաժակ կաթ
• 1 ճ.գ. շոկոլադային սիրոպ
• 1 թ.գ. լուծվող սուրճ (փոշի)
• 2 խորանադ սառույց
• շաքար

Կաթը, շոկոլադային սիրոպը, սառույցը և սուրճը լցնել բլենդերի մեջ և հարել մինչև փրփուրի առաջացումը։ Շաքարն ավելացնել ըստ ճաշակի, լցնել այն բաժակների մեջ, զարդարել ըստ ցանկության։