Փաշինյանն ու Ալիևը ժամանել են Բլենհեյմ պալատ

Լոնդոնում Երևանի ժամանակով ժամը 13-ին կմեկնարկի Եվրոպական քաղաքական համայնքի չորրորդ գագաթնաժողովը, որին կմասնակցեն նաև Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը։

Փաշինյանն ու Ալիևն արդեն ժամանել են Օքսֆորդշիրում գտնվող Բլենհեյմ պալատ։

Լրագրողներին հարցին, թե ինչպե՞ս են ընթանում խաղաղության համաձայնագրի շուրջ բանակցությունները, Հայաստանի վարչապետը չի պատասխանել, Ադրբեջանի նախագահն էլ բութ մատն է վերև պարզել։

Ի դեպ պալատ է ժամանել նաև Եվրոպայի խորհրդի նախագահ Շառլ Միշելը, ում նախաձեռնությամբ էլ նախորդ գագաթնաժողովների շրջանակներում երկու անգամ հանդիպել են Փաշինյանն ու Ալիևը։

Ադրբեջանական «Թուրան» լրատվական գործակալությունը երեկ փոխանցեց, որ ոչ պաշտոնական տվյալներով՝ գագաթնաժողովի շրջանակներում տեղի կունենա Ադրբեջանի և Հայաստանի բարձրաստիճան ներկայացուցիչների հանդիպում։

Ո՛չ պաշտոնական Երևանը, ո՛չ պաշտոնական Ադրբեջանը դեռ չեն հաստատել տեղեկությունը։

Եվրոպական քաղաքական համայնքի գագաթնաժողովը ստեղծել է Եվրոպական խորհուրդը 2022-ին՝ Ուկրաինայի դեմ ռուսական ռազմական ագրեսիայից հետո։

Խորհուրդն արդեն երեք հանդիպում է անցկացրել։ Այդ գագաթնաժողովի շրջանակներում երկու անգամ տեղի է ունեցել Փաշինյան-Ալիև հանդիպում։ Առաջինը 2022-ին Պրահայում էր, երբ կողմերը հայտարարեցին, որ ճանաչում են միմյանց տարածքային ամբողջականությունը՝ 1991 թվականի Ալմա-Աթայի հռչակագրի շրջանակներում։ Երկրորդը՝ 2023 -ի հունիսին, երբ Փաշինյանն ու Ալիևը հանդիպեցին Քիշնևում։ Իսկ անցած տարի հոկտեմբերին Գրանադայի հանդիպումը Ալիևը բոյկոտեց։ Այդ օրը կայացավ քառակողմ հանդիպում Փաշինյանի, Ֆրանսիայի նախագահ Էմանյուել Մակրոնի, Գերմանիայի կանցլեր Օլաֆ Շոլցի և Եվրոպական խորհրդի նախագահ Շառլ Միշելի մասնակցությամբ:

Այս թեմայով Քանի՞ տեսակ զենք է արտադրում Ադրբեջանը․ Ալիևը կրկին պարծեցել է Ալիևը հայտարարել է, թե Հայաստանում «ռևանշիստական» ուժեր կան Փաշինյանն ու Էրդողանը Նյու Յորքում բանակցություններ կվարեն․ Sabah Իրանի ԱԳ նախարարը ժամանել է ԱՄՆ Իրանի ԱԳ նախարարը ժամանել է ԱՄՆ