Մասկը ամսական 45 մլն դոլար կհատկացնի Թրամփի վերընտրմանն աջակցող հանձնաժողովին

Ամերիկացի միլիարդատեր Իլոն Մասկը մտադիր է նախընտրական քարոզարշավի շրջանակում ամսական 45 մլն դոլար հատկացնել Թրամփի վերընտրմանն աջակցող America PAC հանձնաժողովին, հաղորդում են միջազգային ԶԼՄ-ները։

America PAC-ը գրանցում է ընտրողներին և կոչ է անում նրանց վաղաժամ քվեարկել:

ԱՄՆ-ում քաղաքական գործողությունների հանձնաժողովը կազմակերպություն է, որը համախմբում է դոնորներին, որոնք գումար են նվիրաբերում նախագահի թեկնածուներից մեկի քարոզարշավին:

Նման հանձնաժողովներին նվիրատվության չափի սահմանափակում չկա: