Աշխարհի ամենաչոր՝ Ատակամա անապատը ծաղկել է (լուսանկարներ)
Տեսանյութեր
Աշխարհի ամենաչոր անապատը՝ Չիլիի հյուսիսում գտնվող Ատակաման, ներկայումս ծածկված է սպիտակ և մանուշակագույն ծաղիկների գունավոր գորգով: Այս հազվագյուտ երևույթը տեղի է ունեցել Էլ Նինյո բնական կլիմայական երևույթի հետևանքով առաջացած անձրևների պատճառով, հաղորդում է CNN-ը։
Ատակամա անապատը հայտնի է՝ որպես Disierto Florida (ծաղկող անապատ), քանի որ մի քանի տարին մեկ այն ծածկվում է ծաղիկներով, երբ քնած սերմերի արթնացման համար անհրաժեշտ պայմանները՝ տեղումները և ջերմաստիճանը, համընկնում են: Սա սովորաբար տեղի է ունենում գարնանը, բայց ներկայիս ծաղկումը տեղի է ունեցել անսովոր վաղ՝ Հարավային կիսագնդում ձմռան կեսին:
Ատակամա անապատում ծաղկումները սովորաբար համընկնում են Էլ Նինյոյի հետ, որի ժամանակ տարածաշրջանում ջերմաստիճանը դառնում է ավելի տաք, ինչը հանգեցնում է գոլորշիացման և տեղումների ավելացման: Չիլիի պապական կաթոլիկ համալսարանի վերլուծության համաձայն՝ վերջին 40 տարում նման 15 դեպք է գրանցվել:
Ամենադիտված 
Հարյուրավոր հասցեներում գազ չի լինի՝ հոկտեմբերի 28-ին, 29-ին, 30-ին և 31-ին
