Թուրքիայում ավտոբուս է վթարի ենթարկվել. կան զոհեր

Թուրքիայի Մուղլա նահանգում տուրիստական ​​ավտոբուսը բախվել է մի քանի ավտոմեքենաների։ Արդյունքում՝ 2 մարդ զոհվել է, ևս 28-ը՝ վիրավորվել, հայտնում է տեղական IHA գործակալությունը։

Վթարը տեղի է ունեցել Ակյակա շրջանի մուտքի մոտ։ Նախնական տվյալներով՝ ավտոբուսի արգելակները խափանվել են, այն մխրճվել է կայանված երեք ավտոմեքենաների մեջ ու կանգնել միայն տան պատին բախվելուց հետո։

Բախման հետևանքով՝ մի քանի ուղևորներ դուրս են շպրտվել ավտոբուսից։ Եվս 4 հոգի արգելափակվել են ներսում։ Բոլոր տուժածները հոսպիտալացվել են։ Նրանցից 4-ի վիճակը ծանր է։