Հայաստանի և Չեռնոգորիայի միջև հարաբերություններն ունեն զարգացման և խորացման մեծ ներուժ. ՀՀ նախագահ

Հայաստանի Հանրապետության նախագահ Վահագն Խաչատուրյանը շնորհավորական ուղերձ է հղել Չեռնոգորիայի նախագահ Յակով Միլատովիչին ազգային տոնի՝ Պետականության օրվա կապակցությամբ։

«Հայաստանի և Չեռնոգորիայի միջև հարաբերությունները, հիմնված լինելով փոխադարձ հարգանքի և վստահության վրա, ունեն զարգացման և խորացման մեծ ներուժ:

Համոզված եմ, որ համատեղ ջանքերով առավել կհարստացնենք համագործակցության օրակարգը նոր ծրագրերով և նախաձեռնություններով՝ ի շահ մեր ժողովուրդների», - «Արմենպրես»-ի փոխանցմամբ՝ ասված է նախագահ Խաչատուրյանի ուղերձում: