Հոկտեմբերին կորոշվի Վրաստանի ճակատագիրը. Սահակաշվիլի

Հոկտեմբերին կորոշվի ոչ միայն Վրաստանի ճակատագիրը առաջիկա 20-25 տարիների, այլև մի ամբողջ սերնդի կյանքի համար, Թբիլիսիի քաղաքային դատարանում ընթացող դատավարության ժամանակ հայտարարել է Վրաստանի երրորդ նախագահ Միխեիլ Սահակաշվիլին, գրում է aliq.ge-ն։

Սահակաշվիլին դատավարությանը մասնակցել է հեռակա կարգով: 

«Ես ուզում եմ ձեզ ասել հետևյալը: Այն բարեփոխումները, որ մենք իրականացրինք 9 տարիների ընթացքում՝ Վրաստանը դուրս բերելով 90-ականների խավարից և ճահճից, այժմ ոչ ոք չի կարող հետ բերել: Այժմ ամենակարևորն այն է, որ առաջ շարժվենք, քանի որ այս ընտրությունները միայն անցյալի մասին չեն, այս ընտրությունները վերաբերում են հատկապես և բացառապես ապագային»,- ասել է Սահակաշվիլին։