Երևան-Մեղրի ավտոճանապարհին բախվել են ավտոմեքենաներ․ կան տուժածներ

Հուլիսի 8-ին, ժամը 18:01-ին Վայոց ձորի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Վայք քաղաքի «Որսկան» ռեստորանային համալիրի մոտակայքում տեղի է ունեցել ՃՏՊ՝ ավտոմեքենան շրջվել է, կան տուժածներ, առկա է գազի արտահոսք։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Երևան-Մեղրի ավտոճանապարհի 144-րդ կմ-ին բախվել են «Audi» (վարորդ՝ Ռ. Ա., ծնված 1984 թ․) և «Mercedes-Benz» (վարորդ՝ Կ. Ս., ծնված 1985 թ․) մակնիշների ավտոմեքենաները. «Audi» մակնիշի ավտոմեքենան շրջվել է։

Մինչ փրկարարների կանչի վայր հասնելը՝ «Audi» մակնիշի ավտոմեքենայի ուղևորներ՝ Մ. Ա.-ն (ծնված 1985 թ․), Մ. Ա.-ն (ծնված 2020 թ․) և Մ. Ա.-ն (ծնված 2013 թ.) հոսպիտալացվել են բժշկական կենտրոն, որտեղ բժիշկները նրանց առողջական վիճակը գնահատել են բավարար։

Փրկարարները փակել են ավտոմեքենաների գազի բալոնների փականները։

Այս թեմայով Երևանում մեկնարկել է Եվրասիական տնտեսական երրորդ համաժողովը ՀԻՄԱ․ Բարձրաստիճան պաշտոնյանները Երևանում են․ ընթանում է 3-րդ Եվրասիական Տնտեսական համաժողովը ԵԱՏՄ երկրների գյուղատնտեսության նախարարները հոկտեմբերի 18-ին կհավաքվեն Երևանում. Բարսեղյան Մեքենան դուրս է եկել երթևեկելի հատվածից, հայտնվել պատի ու ծառի միջև․ կան տուժածներ Անցկացվել է «Երևանի գունավոր վազք» վազքարշավը. (տեսանյութ)