Էրդողանը կոչ է արել Արմուտքին ճնշում գործադրել Իսրայելի վրա Գազայի հարցում

Արևմտյան երկրները, հատկապես ԱՄՆ-ը, պետք է ճնշում գործադրեն Իսրայելի վրա Գազայի հատվածում կարգավորման հարցում և հրաժարվեն նրան աջակցելուց։ Այս մասին Բեռլինից վերադառնալիս լրագրողներին է հայտարարել է Թուրքիայի նախագահ Ռեջեփ Թայիփ Էրդողանը։ Նրա հայտարարությունը մեջբերում է Anadolu գործակալությունը։

«Իսրայելն այլևս չպետք է շարունակի այս սպանությունն ու դաժանությունը Գազայում։ Խիստ կարևոր է, որ միջազգային հանրությունը, հատկապես արևմտյան երկրները, մեծացնեն ճնշումն Իսրայելի վրա։ Իսրայելն է, որ ոտնահարում է մարդու իրավունքներն ու միջազգային իրավունքը, իսկ այժմ նա սպառնում է Լիբանանին հակամարտությունը տարածելով ողջ տարածաշրջանում։ Արևմտյան երկրները, հատկապես ԱՄՆ-ը, այս փուլում պետք է հրաժարվեն Իսրայելին աջակցելուց»,- ասել է Էրդողանը։

Ըստ նրա, Թուրքիան ի սկզբանե հանդես է եկել պաղեստինա-իսրայելական հակամարտության խաղաղ կարգավորման օգտին, որը հիմնված է 1967 թվականի սահմաններով երկու պետությունների մասին որոշման վրա: «Սա է ապահովելու մշտական ​​խաղաղությունը»,- նշել է նա։

Պատասխանելով պաղեստինյան արմատական ​​ՀԱՄԱՍ-ի և Իսրայելի ներկայացուցիչների միջև Քաթարում բանակցությունների մասին հարցին՝ Էրդողանն ասել է, որ դրանցում լուրջ առաջընթաց է գրանցվել։ «Դոհայում բանակցություններ են ընթանում [իսրայելական հետախուզության] Մոսադի ղեկավարի և ՀԱՄԱՍ-ի ներկայացուցիչների միջև։ Բանակցությունների ընթացքում որոշ դրական քայլեր արվեցին, որոնք մշտական ​​հրադադար էին նախատեսում։ Այնտեղից «ճիշտ լուրեր» կարող են հասնել ցանկացած պահի, բայց ամեն ինչ կախված է [Իսրայելի վարչապետ Բենիամին] Նաթանյահուի դիրքորոշումից»,- նշել է Թուրքիայի նախագահը։