Աշխարհի ամենահարուստ մարդը ծաղրել է Մարկ Ցուկերբերգին վիրուսային տեսանյութի պատճառով

Աշխարհի ամենահարուստ մարդը՝ Իլոն Մասկը, ծաղրել է Մարկ Ցուկերբերգին՝ Անկախության օրվա առթիվ տարածված տեսանյութի պատճառով, որում վերջինը վեյքբորդ է վարում:

«Թող նա շարունակի զվարճանալ իր զբոսանավերի վրա: Ես նախընտրում եմ աշխատել»,-գրել է Մասկը X-ում՝ ի պատասխան տեսանյութի։

Ցուկերբերգը Facebook-ում եւ Instagram-ում տեսանյութ է հրապարակել, որում երեւում է, թե ինչպես է Meta-ի գործադիր տնօրենը ծածանում ամերիկյան դրոշը և գարեջուր խմում շշից՝ միաժամանակ ապշեցուցիչ տեսք ունենալով սմոքինգով:Սա առաջին դեպքը չէ, երբ Մասկը ծաղրում է տեխնոլոգիական աշխարհում իր մրցակցին։

2023 թվականի հունիսին Մասկը Ցուկերբերգին մարտահրավեր նետեց այն բանից հետո, երբ հաղորդագրություն տարածվեց, որ «Մետան» մրցակից է ստեղծում X-ի համար: Ցուկերբերգը սկզբում համաձայնեց, բայց ամիսներ շարունակ վիճաբանելուց հետո նա մերժեց առաջարկը:

Ցուկերբերգը զբոսանավերի սեփականատեր միակ միլիարդատերը չէ, ում Մասկը մեղադրել է անփութության մեջ:

2021 թվականին Մասկը նման արտահայտություն արեց մեծահարուստ Ջեֆ Բեզոսի մասին։ Այնուհետեւ Financial Times-ին տված հարցազրույցում SpaceX-ի գործադիր տնօրենն ասաց, որ Բեզոսը պետք է ավելի շատ ժամանակ տրամադրի իր Blue Origin հրթիռային ընկերությանը: «Նա պետք է ավելի շատ ժամանակ անցկացնի Blue Origin-ում եւ ավելի քիչ ժամանակ՝ տաք լոգարանում»,-ասել է Մասկը հրատարակությանը:

Բեզոսը կարծես ուշադրություն չդարձրեց Մասկի հայտարարություններին եւ շարունակեց վայելել շոգ ամառն իր զբոսանավում։

Աղբյուրը`style.news.am