Մոսկվան Սևաստոպոլում հրթիռային հարձակման համար մեղադրել է Վաշինգտոնին

Ռուսաստանի պաշտպանության նախարարությունը պատասխան է խոստացել Վաշինգտոնին և Կիևին այն բանից հետո, երբ Ուկրաինան ամերիկյան ATACMS-ով հարձակում է ձեռնարկել Սևաստոպոլի վրա, գրում են ԶԼՄ-ները։

«Սևաստոպոլում խաղաղ բնակիչների վրա կանխամտածված հրթիռային հարձակման պատասխանատվությունն առաջին հերթին կրում է Վաշինգտոնը, որը այդ զենքն է մատակարարել Ուկրաինային, ինչպես նաև Կիևի ռեժիմը, որի տարածքից իրականացվել է այս հարձակումը։ Նման գործողություններն անպատասխան չեն մնա»,- ասվում է հաղորդագրության մեջ։

Գերատեսչության տվյալներով՝ Ուկրաինան կասետային մարտագլխիկներով հինգ հեռահար ATACMS հրթիռ է արձակել, չորս հրթիռ կալանվել է, իսկ հինգերորդ զինամթերքի օդում ոչնչացումը հանգեցրել է զոհերի։ Նրանք հավելել են, որ նման հրթիռների ճշգրտումներն իրականացնում են ամերիկացի մասնագետները՝ հիմնվելով իրենց արբանյակային հետախուզական տվյալների վրա։

Անվտանգության ուժերի աղբյուրը ՏԱՍՍ-ին հայտնել է, որ հրթիռներն արձակվել են Նիկոլաևից։ Զինվորականները միջոցներ են ձեռնարկում հրթիռները արձակած անձնակազմին վերացնելու համար։

Ինչպես հայտնել ենք, Սևաստոպոլում Ուկրաինայի զինված ուժերի հարձակման հետևանքով զոհերի թիվը հասել է հինգի։ Զոհերի թվում երեք երեխա կա։ ՌԴ առողջապահության նախարարության տվյալներով՝ տուժել է 124 մարդ։ Տուժածների թվում 27 երեխա կա։
 

Այս թեմայով Մոսկվան և Բաքուն կշարունակեն սերտ արտաքին քաղաքական համակարգումը. ՌԴ ԱԳՆ Հարկադիր կատարումն ապահովող ծառայության համար կնախատեսվի պարգևատրման հավելյալ ֆոնդ Դասագրքերի հրատարակման մրցույթ՝ 5-րդ, 7-րդ, 10-րդ դասարանների համար Մենք չենք կարող թույլ տալ, որ Կիևը ռմբակոծի Մոսկվան․ Իտալիայի արտգործնախարար Մենք չենք կարող թույլ տալ, որ Կիևը ռմբակոծի Մոսկվան․ Իտալիայի արտգործնախարար