Թուրքիայում անտառային հրդեհները հնգապատկվել են

Հունիսին Թուրքիայում անտառային հրդեհների թիվն անցյալ տարվա համեմատ աճել է հինգ անգամ, հաղորդում է Թուրքիայի անտառտնտեսության գլխավոր վարչությունը, գրում են միջազգային ԶԼՄ-ները։

Թուրքիայի մի շարք քաղաքներում հունիսին օդի ջերմաստիճանը գերազանցում է 40 աստիճանը, տեղ-տեղ գրանցվել են ջերմաստիճանի բացարձակ ռեկորդներ, ինչը մեծացնում է անտառային հրդեհների վտանգը։

Գերատեսչության տվյալներով՝ 2023 թվականի հունիսի 1-ից մինչև հունիսի 21-ը Թուրքիայում գրանցվել է 84 անտառային հրդեհ, մինչդեռ այս տարվա նույն ժամանակահատվածում՝ 399։ Այսպիսով, այս տարվա հունիսին անտառային հրդեհների թիվն աճել է 5 անգամ՝ համեմատած անցած տարվա հետ։

Նախորդ տարի այս ընթացքում այրվել է 41 հա անտառ, իսկ այս տարի՝ 2548 հա։