Բայրամովը Խովաևին հայտարարել է՝ խաղաղության պայմանագրի գործընթացում խոչընդոտ է ՀՀ սահմանադրությունը

Հայաստանի և Ադրբեջանի հարաբերությունների կարգավորման գծով ՌԴ ԱԳՆ հատուկ ներկայացուցիչ Իգոր Խովաևը հանդիպել է Ջեյհուն Բայրամովին։

Քննարկվել են Ադրբեջանի և Հայաստանի միջև խաղաղության պայմանագրի հեռանկարները, գործընթացի ներկայիս վիճակը։

Ջեյհուն Բայրամովը Ադրբեջանի և Հայաստանի միջև հարաբերությունների կարգավորման հարցերով ՌԴ ԱԳՆ ներկայացուցիչ Իգոր Խովաևի հետ հանդիպմանը հայտարարել է, թե Հայաստանի սահմանադրությամբ և այլ օրենսդրական ակտերով Ադրբեջանի տարածքային ամբողջականության նկատմամբ շարունակվող պահանջները այս գործընթացի հիմնական խոչընդոտն են։

Բայրամովի և Խովաևի հանդիպումը կայացել է Բաքվում։