Պտտահողմից լրջորեն տուժել է Վրաստանի Կախեթի մարզում գտնվող Ալավերդի վանական համալիրը
Հասարակություն
Երեկ Վրաստանի արևելյան հատվածում մոլեգնած պտտահողմից ամենաշատը տուժել են Կախեթիում գտնվող Ալավերդի վանական համալիրը և շրջակայքի ենթակառուցվածքները։
Այս մասին գրում է «Սպուտնիկ Գրուզիան»-ն։
«Վնասվել են գմբեթի թիթեղյա ծածկը, տաճարի հարավային մասի, զանգակատան և եպիսկոպոսական պալատի կղմինդրե տանիքները, կոտրվել են համալիրի արևմտյան մասի պատուհաններն ու գմբեթը, փլուզվել է պատշգամբը, տաճարի գմբեթից խաչ է ընկել, վնասվել են հարակից տարածքի ենթակառուցվածքները»,- ասվում է հաղորդագրության մեջ։
Այժմ հաշվում են պտտահողմի պատճառած վնասը, իսկ վերացման աշխատանքը կսկսվի առաջիկա օրերին։
Ամենադիտված 
Մնաս բարյավ. Րաֆֆի Հովհաննիսյան
