Ռուս օլիգարխը ձեռնամուխ է եղել նոր ստվերային կառավարության ստեղծմանը
Ռուսաստան
«Քաղաքացիական պլատֆորմ» ոչ խորհրդարանական կուսակցության առաջնորդ Միխայիլ Պրոխորովը ձեռնամուխ է եղել նախարարների սեփական ստվերային կաբինետի ստեղծմանը. այս մասին այսօր հաղորդում է Коммерсантъ-ը: Առաջին անգամ ստվերային կառավարության ստեղծմամբ քաղաքական գործիչը զբաղվել է 2011 թվականին, երբ ղեկավարում էր «Արդար գործ» կուսակցությունը, սակայն կուսակցությունը լքելուց հետո թողել էր այս գաղափարը:
Նշենք նաև, որ նախարարների ստվերային կաբինետում մասնավորապես մշակույթի նախարարի պաշտոնը ստանձնել է Պրոխորովի քույրը՝ Իրինա Պրոխորովան:
Ստվերային կաբինետի ստեղծման իմաստը ներկայացրել է «Քաղաքացիական պլատֆորմ» կուսակցության անդամ Սոլոմոն Գինզբուրգը. «Յուրաքանչյուր կուսակցություն, որը լրջորեն պայքարում է իշխանության համար, պետք է ունենա նման ստվերային համակարգ: Դրա ստեղծումը պատասխանում է երկու կարևորագույն հարցերի՝ ինչպիսին կլինի կուսակցության ծրագիրը, եթե այն իշխանության գա, և ով կիրագործի այն»: Коммерсантъ-ի տվյալներով՝ կուսակցությունը մշակում է օրենսդրական նախաձեռնությունների, այդ թվում՝ նաև կրոնական և սոցիալական օրենսգրքերը, տրանսպորտային հարկի վերացումը և «անցումն ամառային ժամերի»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
