Թրամփի հաղթանակի դեպքում ՆԱՏՕ-ի երկրները Ուկրաինային օգնության նոր միջոցներ կտրամադրեն. WSJ

ՆԱՏՕ-ի երկրները, Եվրոպայում աջակողմյան կուսակցությունների աճող ժողովրդականության և ԱՄՆ նախկին նախագահ Դոնալդ Թրամփի` Սպիտակ տուն վերադառնալու հեռանկարների ֆոնին, ձգտում են մի շարք միջոցներ ձեռնարկել՝ ուղղված Ուկրաինային երկարաժամկետ աջակցությանը, հայտնում է Wall Street Journal-ը։

Հյուսիսատլանտյան դաշինքը կստեղծի պաշտոն, որը պատասխանատու կլինի Ուկրաինային օգնություն ցուցաբերելու համար։ Այս պաշտոնը զբաղեցնելու է բարձրաստիճան քաղաքացիական պաշտոնյա, ով աշխատելու է Կիևում։ Բացի այդ, դաշինքը նոր հրամանատարություն կստեղծի Գերմանիայի Վիսբադեն քաղաքում, որը կհամակարգի Կիևին ռազմական տեխնիկայի մատակարարումը և ուկրաինական զորքերի վերապատրաստումը: Այս քայլերի մասին կհայտարարվի հուլիսի 9-11-ին՝ Վաշինգտոնում կայանալիք գագաթնաժողովում։

Գերմանիայում գործողությանը կներգրավվի մոտ 700 զինծառայող ԱՄՆ-ից և այլ երկրներից։ Նրանք կստանձնեն այն առաքելության մեծ մասը, որը ԱՄՆ զինվորականներն իրականացրել են 2022 թվականի փետրվարին ռազմական գործողությունների սկսվելուց ի վեր: Կիևում պաշտոնյան կկենտրոնանա ռազմական ոլորտի արդիականացման և ոչ ռազմական աջակցության Ուկրաինայի երկարաժամկետ կարիքների վրա: