Արամ Ա Կաթողիկոսը վավերացրել է Հունաստանի Հայոց թեմի առաջնորդական ընտրությունը

 Արամ Ա Կաթողիկոսը վավերացրել է Հունաստանի Հայոց թեմի առաջնորդական ընտրությունը։  

Հայտնում են Կաթողիկոսության մամուլի ծառայությունից․

«Եր­կու­շաբ­թի, 1 ­Յու­լիս 2024-ի ե­րե­կո­յեան, Յունաս­տա­նի ­Հա­յոց ­Թե­մի Ե­րես­փո­խա­նա­կան Ժողովը արտակարգ նիստ գումարեց՝ օրակարգ ունենալով նոր առաջնորդի ընտրութիւն։

Ն.Ս.Օ.Տ.Տ. Արամ Ա. Վեհափառ Հայրապետին պաշտօնական նամակը, ուղղուած ժողովին, ընթերցուելէ ետք, ժոլովին ներկայացուեցաւ Վեհափառ Հայրապերին կողմէ ղրկուած ընտրելիներու ցանկը՝ բաղկացած երեք միաբան հայրերէ։ Ապա կայացաւ առաջնորդի ընտրութիւն եւ ձայներու մեծամասնութեամբ Յունաստանի Հայոց Թեմի առաջնորդ ընտրուեցաւ Ամերիկայի Միացեալ Նահանգներու Արեւելեան Թեմի առաջնորդական փոխանորդ Գերպ. Տ. Սահակ Ծ. Վրդ. Եմիշեան:

Արդարեւ, Երեսփոխանական Ժողովի դիւանը պաշտօնական նամակով մը Նորին Սրբութիւնը տեղեակ պահեց ընտրութեան արդիւնքներուն մասին՝ հայցելով նոր առաջնորդի ընտրութեան վաւերացումը։ Այս առիթով, Արամ Ա. Կաթողիկոս Հայրապետական 1 յուլիս պաշտօնագրով իր հայրական օրհնութիւնը տուաւ ժողովական անդամներուն եւ վաւերացնելով առաջնորդական ընտրութիւնը՝ յաջողութիւն մաղթեց առաջնորդ հայր սուրբին եւ թեմին կողմէ իրագործելի ծրագիրներուն ու աշխատանքներուն։

Գերապատիւ Տէր Սահակ Ծայրագոյն Վարդապետ ծնած է Երեւան, 1983-ին: Աւազանի անունով՝ Ռազմիկ: Նախ­նա­կան կրթու­թիւ­նը ստա­ցած է ­Լու­սա­ռա­տի միջնա­կարգ դպրո­ցին մէջ։ Մեծի Տանն Կիլիկիոյ Կաթողիկոսութեան Դպրեվանք մուտք գործած է 1997-ին։ Մայիս 2004-ին կը ձեռ­նադ­րո­ւի սար­կա­ւագ եւ ութամեայ շրջանը բոլորելով՝ կուսակրօն քահանայ կը կ՚օծուի 14 Մայիս 2006-ին՝ ձեռամբ Գերշ. Տ. Վարուժան Արք. Հերկելեանի։ Վարդապետական գաւազան կրելու իրաւունք կը ստանայ Դեկտեմբեր 2010-ին: 8 Օգոստոս 2012-ին Վեհափառ Հայրապետը իրեն կը շնորհէ վարդապետական լանջախաչ կրելու իրաւունք: 29 Մայիս 2016-ին կը ստանայ ծայրագոյն վարդապետութեան աստիճանները:

Հայր սուրբը, Վեհափառ Հայրապետին տնօրինութեամբ, բարձրագոյն ուսումը ստանալու համար կը մեկնի Միացեալ Նահանգներու Արեւելեան թեմ: Նախքան Ամերիկա մեկնիլը, հայր Սահակ Կաթողիկոսարանէն ներս վարած է հետեւեալ պաշտօնները.– արխիւատան տեսուչի օգնական, երիտասարդական բաժանմունքի վարիչ, Հ.Ե.Հ.Ո.Մ.ի հոգեւոր խորհրդատու, ուսուցիչ Դպ­րե­վան­քի ժառանգա­ւո­րաց ու ըն­ծա­յա­րա­նա­կան բա­ժին­նե­րուն եւ հոգեւոր հովիւ Թեսաղոնիկէի:

Լի­բա­նա­նի մէջ հե­տե­ւած է անգ­լե­րէն լե­զուի դասընթացք­նե­րու՝ American Language Center-ին մէջ. իսկ ­Թե­սա­ղո­նի­կէի մէջ՝ Ա­րիս­տոս­տե­լեան Համալսարանի (Aristotelian University) ար­դի ­յու­նա­րէն լե­զո­ւի։ 2013-ին կը մեկնի Միացեալ Նահանգներ: Համալսարանական ուսման կողքին, հոգեւոր պաշտօններ կը վարէ նոյն թեմէն ներս: Կը նշա­նա­կո­ւի հոգեւոր հո­վիւ Ուս­թը­րի Ս. Եր­րոր­դու­թիւն ե­կե­ղեց­ւոյ։ 2018-ին ­Պոս­թո­նի ­Հա­մալ­սա­րա­նէն (Boston College) կը ստա­նայ ­Մա­գիստ­րոս Աս­տո­ւա­ծա­բա­նու­թեան եւ Հովութեան վկա­յա­կա­նը (M.A.T.M.)։ 2021-էն ի վեր կը շա­րու­նա­կէ բարձ­րա­գոյն ու­սու­մը ­Ֆորտ­համ (Fordham University) համալսարա­նէն ներս՝ հե­տե­ւե­լով Փիլիսոփա­յու­թեան Դոկ­տոր ծրագ­րին (Ph.D. in Administration and Leadership)։

1 Յուլիս 2024-ին կ՚ընտրուի առաջնորդ Յունաստանի հայոց թեմին»,- նշվում է հաղորդագրության մեջ։