Հայաստանում առկա է անվտանգության, արդարության և բարեկեցության դեֆիցիտ. Հակոբ Հակոբյան
Քաղաքական
Արցախի «Արդարություն» կուսակցության համահիմնադիր Հակոբ Հակոբյանը գրել է.
«Հայաստանում առկա է անվտանգության, արդարության և բարեկեցության դեֆիցիտ: Առկա տոտալ անկայունությունը, զանգվածային բնական աղետները, պատերազմի սպասումները պայմանավորում են նյարդա– հոգեկան լարվածության մշտական աճը։ Հասարակության մեջ արտակարգ ու աննախադեպ իրավիճակները, մարդկանց կյանքում արմատական փոփոխությունները անմիջականորեն ներազդում են հասարակության բարոյահոգեբանական մթնոլորտի, մարդկանց հոգեվիճակի, համոզմունքների, գնահատականների, դիրքորոշումների, արժեքային կողմնորոշումների ու վարքի վրա։
Անձը, ձևավորվելով որոշակի պայմաններում, յուրացնելով տվյալ հասարակության նորմերր, ավանդույթներն ու արժեքները, հայտնվելով մեկ այլ սոցիալ-մշակութային աշխարհում՝ չի կարող չապրել հոգեկան խռովք, չունենալ տարրեր բնույթի կոնֆլիկտներ, չի կարող չտագնապել իր ներկայի ու ապագայի համար։ Այսօր, ցավոք այս վիճակում են հայտնվել Արցախից բռնի տեղահանված մեր հայրենակիցները: Իսկ Հայաստանի այս իշխանությունները, բացի նրանց, քույրեր և եղբայրներ, անվանելուց՝ ուրիշ ոչնչով գրեթե զբաղված չեն, փոխարենը առիթը բաց չեն թողնում մեղադրելու, ծեծելու, հայհոյելու, կալանավորելու»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
