Մեծ Բրիտանիայի խորհրդարանական ընտրություններում ընդդիմադիր լեյբորիստները հաղթանակ են տարել (տեսանյութ)

Մեծ Բրիտանիայում հուլիսի 4-ին ավարտվել են խորհրդարանական ընտրությունները։ Ըստ exit poll-ի՝ հաղթել է Լեյբորիստական ​​կուսակցությունը։ Այն խորհրդարանում կարող է ստանալ 410 մանդատ։ Մեծ Բրիտանիայի հաջորդ վարչապետը մեծ հավանականությամբ կդառնա լեյբորիստների 61-ամյա առաջնորդ Քիր Սթարմերը։

Իշխող Պահպանողական կուսակցությունը, որը իշխանության ղեկին է 14 տարի, կարող է ստանալ 131 մանդատ, ինչը նրա վատագույն արդյունքն է հետպատերազմյան պատմության մեջ: 61 մանդատ կարող են ստանալ Լիբերալ-դեմոկրատները, ևս 10-ը՝ Շոտլանդիայի ազգային կուսակցությունը։ Համայնքների պալատի մեծամասնությունը պահանջում է 326 տեղ:

Հենց որ վերջնական արդյունքները պաշտոնապես հայտարարվեն, ներկայիս վարչապետ Ռիշի Սունակը պետք է հրաժարական տա՝ այդ մասին հայտարարելով Չարլզ III թագավորին, այնուհետև Քեյր Սթարմերը կդիմի միապետին նոր կառավարություն ձևավորելու թույլտվության համար։